1º E.P. SESIÓN 1

ÁREA DE EDUCACIÓN FÍSICA  CURSO:1º E.P.

→Dentro  do bloque de contidos 4, as “Actividades físicas artístico expresivas”, estamos traballando danzas sinxelas representativas da cultura galega e doutras culturas. Por isto remítovos  un enlace onde aparece a danza “Siete saltos” e que poden practicar na casa:

https://danzasdelmundo.wordpress.com/category/005-siete-saltos-dinamarca/

SETE SALTOS

Dinamarca

Disposición: 

: A danza  báilase en círculo (fig. 6) por un número ilimitado de persoas, e

collidas da man (agarre en “V”).

Introdución 

: tres golpes

Frase A

*Comp. 1-4: Danse 8 pasos saltados cara á dereita e comenzando co pé dereito.

*Comp. 5-8: Danse 8 pasos saltados, pero cara á esquerda. No último quédanse mirando cara ao centro.

Frase B

Nesta parte  vanse  ir acumulando os xestos:

1: Elévase o pé esquerdo (fig. 1), logo o dereito, en equilibrio.

2: Elévase o pé esquerdo, logo o dereito. Axeónllanse coa perna

esquerda.(fig. 2)

3: Axeónllanse coa pierna dereita.(fig. 3)

4: Apóiase o cóbado esquerdo no chan.

5: Apóiase o cóbado dereito no chan (fig. 4).

6: Apóiase o nariz no chan.

7: Apóianse as mans no chan diante da cabeza como indica a fig.5.

         

→Tamén estamos traballando a representación de personaxes e situacións, mediante o corpo e o movemento con desinhibición e espontaneidade. A continuación propoño unha serie de actividades para traballar desde a casa que precisan un pouco de colaboración.

-    1.Que practiquen diante dun espello distintas expresións: triste, ledo, aburrido, pensativo, preocupado… e despois que as realicen diante de “alguén” para que as adiviñe.

     2. Que o alumno ou a alumna represente distintas profesións, sen falar, con xestos e movementos,  primeiro diante dun espello e despois  con  “alguén” para que o adiviñe.

    3. Podemos xogar ás películas tamén.

→Para rematar a sesión o seguinte exercicio respiratorio:

Respirando como os elefantes

Os nenos e as nenas deben estar de pé e coas pernas lixeiramente separadas.

Indicarémoslles que se van a converter en elefantes e que van respirar como eles.

Deben coller aire polo nariz de forma profunda e cando o fagan, levantarán os seus brazos coma se estes fosen a trompa do animal, tentando a súa vez que o abdome se inche.

A continuación, é momento de exhalar, para iso deben facelo pola boca de forma sonora e baixando os brazos mentres se inclinan un pouco levando a trompa do elefante cara a abaixo.

Nª repeticións: 5

XA COÑECEN A DANZA E A RESPIRACIÓN DOS ELEFANTES.